تحدي الـ 29 يوم

 هلو شباب شلونكم...

إني عباس عمري 25 سنة من محافظة واسط، متخرج بكالوريوس تاريخ وحالياً اداوم محاضر مجاني، التحدي اللي راح اتحدى نفسي بيه هوة ممارسة الرياضة لعدة أسباب منها التخلص من العجز والكسل اللي جان يصيبني من اريد امارس الرياضة، وهلتحدي ح يكون لتحسين وضعي النفسي وتصفية ذهني من هواي سلبيات والتخلص من مشاكل وضغوطات الحياة بالإضافة إلى الرضى والارتياح اللي أشعر بيه من اباوع الجسمي لان دائماً اتعاجز واتردد من ممارسة الرياضة والركض لعدة أسباب ابرزها سوء المزاج وانعدام الواهس والكسل ، وإن شاء الله مو بس هذا التحدي اللي راح اتحدى نفسي بكل شي راح يطورني نحو الافضل وتعلم أشياء كثيرة تفيدني بحياتي الجاية لاكن راح تكون للرياضة الأولوية اللي راح التزم بيها بهالتحدي لأن نتائجها راح تكون كلش حلوة وتنطيني هواي طاقة إيجابية بنفس الوقت وللعلم بس وزني مو كلش هواي بحدود 80-84 كغم، لان مموزن من فترة وهلشي راح ينطيني دافع قوي انو اتغير واغير هواي افكار وسلبيات بداخلي وافكر صح واشتغل صح لذا إن شاء الله راح احاول اكمل للاخير ومايصيبني الملل أو انشغال ثاني واحصل على النتيجة الحلوة وانتظرو النتائج الإيجابية ..

شكراً لاهتمامكم الجميل بمدونتي💜

تعليقات

إرسال تعليق

المشاركات الشائعة من هذه المدونة

تحدي الـ 29 يوم _ اليوم العاشر

صورة
 هلاااااااو شباب شلونكم أن شاء الله بخير، طبعاً الحمدلله انو وصلنة لليوم العاشر بهذا التحدي الممتع. اتمنى تقرون مدونتي للأخير  لكن التحدي الأكبر اذا مريت بضروف بالحياة تجيك بدون سابق إنذار، وتضيفلك تحدي آخر و تجبرك وتفرض عليك تحدي اقوة وأصعب من الاختاريته انته، بلبداية اني جنت أعمل في محل أسواق وتعرفون وضع الاسواق خاصة انو اغلب الوقت متتحرك ولياقة ماكو، فالتحدي ألاخذته انو لازم امارس الرياضة لعدة أسباب منها قلة الحركة وانعدام اللياقة . ولكن مثلما كلتلكم بالأعلى بخصوص الضروف انفرض علي انو اترك الأسواق وأبدى ابحث عن عمل افيد بيه نفسي واستفاد منه، وهاي الرحلة سبحان الله صادفت باول يوم لبداية الـ29 يوم وكان اول عمل تحديت نفسي بيه ولازم ارتب وضعي هوة العمل في مطعم لكن العمل كان عكس التوقعات تماما ومتعب لدرجة متكدر تثبت بمكان ومدة العمل لليوم الواحد بحدود ال ـ17 ساعة خلال هاي المدة انته متحرك ومتثبت بمكان وهلشي جان رياضة بحد ذاته والمشتغل مطعم يعرف الاقصدة طبعاً اغلب المطاعم هيج نظام مو الكل استمريت بهيج عمل يومين وحركة وتعب وجهد ونته ممتحرك وعضلاتك ومفاصلك خاملة ونتو تخيلو الصار لدرجة الجسم
قراءة المزيد

التخرج من تحدي الـ29 يوم

 هلاااااااااو شباب شلونكم أن شاء الله تكونون بخير.. اول شي احب أكوله أن الحمد لله رب العالمين تم هذا التحدي على خير ونتيجة حلوة وتعلم ولو جزء بسيط من مهنة لان كل مهنة بحر كبير ولابد انو تتطور بيها شيئاً فشيء. اني التحدي أختلف عندي لان بلبداية كنت مقرر تحدي ممارسة الرياضة وبعدها وبسبب ضروف انجبرت على ممارسة عمل يعتبر من الاعمال الشاقة والمتعبة هية مهنة الحدادة وقررت انو هلتجربة هية راح تكون اساس التحدي الأكبر اللي راح اتحدة بيه نفسي واستمر واطور ولو بشيء بسيط ومن ثم ضبطها تماما وأيضا جميع العمل خلال الـ29يوم كان في بناية مكونة من ثلاث طوابق لذلك أيضا كان فيها جانب الرياضة متواجد من خلال استخدام الدرج في الصعود والنزول. كل عمل ممجربه سابقا او اي شي جديد تكون عندك ردة فعل وتخوف من تجربة شي جديد وخصوصاً مايتعلق بهالمهنة ومخاطرها مثل آلة الكوسرة، آلة القص الكتر، ثقل الحديد وخاصة البليت وخطورة نقله او تجربة كذا مهنة ماعندك بيهة خبرة او عمل سابق. ولله الحمد رغم الصعوبات والمعوقات اللي واجهتها ببداية العمل لكن بفضل الله كدرت اقاوم ضغوطات ومشقة عمل الحدادة وبديت اتعلم واجرب بين الفترة والاخرى ا
قراءة المزيد